Gas Booking: आंतरराष्ट्रीय घडामोडींमुळे इंधन आणि गॅस पुरवठ्यावर परिणाम होत असल्याचे दिसत आहे. विशेषतः मध्यपूर्वेतील तणावामुळे नैसर्गिक वायू आणि एलपीजी पुरवठ्याबाबत अनेक ठिकाणी चिंता व्यक्त केली जात आहे. याच पार्श्वभूमीवर भारतातही अनेक नागरिक घरगुती गॅस सिलिंडर वेळेत मिळावा म्हणून आगाऊ बुकिंग करण्याचा प्रयत्न करत आहेत.
मात्र अनेकांना फोन कॉलद्वारे गॅस बुकिंग करताना अडचणी येत असल्याची तक्रार आहे. कॉल लागत नाही, नेटवर्क समस्या येते किंवा बुकिंग प्रक्रिया पूर्ण होत नाही, अशा अडचणींमुळे गॅस वितरण केंद्रांवर मोठ्या रांगा दिसून येत आहेत.
जर तुमचाही गॅस फोनवरून बुक होत नसेल तर काळजी करण्याची गरज नाही. आजच्या डिजिटल युगात गॅस बुकिंग करण्यासाठी अनेक सोपे पर्याय उपलब्ध आहेत. या पर्यायांचा वापर करून तुम्ही काही मिनिटांत घरबसल्या सिलिंडर बुक करू शकता.
1) व्हॉट्सअॅपच्या मदतीने गॅस बुकिंग
आजकाल अनेक गॅस कंपन्यांनी व्हॉट्सअॅपद्वारे बुकिंगची सुविधा सुरू केली आहे. त्यामुळे ग्राहकांना कॉल करण्याची किंवा एजन्सीकडे जाण्याची गरज राहत नाही.
जर तुम्ही Indane Gas चे ग्राहक असाल, तर तुमच्या रजिस्टर मोबाईल नंबरवरून 7588888824 या नंबरवर ‘REFILL’ असा व्हॉट्सअॅप मेसेज पाठवा. त्यानंतर काही क्षणांत तुमचे बुकिंग प्रक्रिया सुरू होईल.
HP Gas ग्राहकांनी 9222201122 या क्रमांकावर ‘Hi’ किंवा ‘Book’ असा मेसेज पाठवायचा आहे.
तर Bharat Gas ग्राहकांनी 1800224344 या नंबरवर ‘Hi’ किंवा ‘Book’ असा व्हॉट्सअॅप मेसेज पाठवून गॅस बुक करू शकतात.
ही प्रक्रिया अत्यंत सोपी असून काही मिनिटांत बुकिंगची पुष्टी मिळते.
2) मोबाईल अॅपच्या मदतीने गॅस बुकिंग
आजकाल बहुतेक सेवा मोबाईल अॅपद्वारे उपलब्ध आहेत. गॅस बुकिंगसाठीही अनेक अधिकृत अॅप्स उपलब्ध आहेत.
तुमच्या मोबाईलमध्ये UMANG App असल्यास त्यामधूनही तुम्ही सहजपणे गॅस सिलिंडर बुक करू शकता. या अॅपमध्ये विविध सरकारी सेवा उपलब्ध असल्यामुळे गॅस बुकिंग करणे सोपे होते.
तसेच डिजिटल पेमेंट अॅप्स जसे की Paytm, PhonePe किंवा Amazon Pay यांच्या माध्यमातूनही LPG सिलिंडर बुकिंगची सुविधा दिली जाते. या अॅप्समध्ये LPG बुकिंगचा पर्याय निवडून तुम्ही काही स्टेप्समध्ये सिलिंडर बुक करू शकता.
यामध्ये पेमेंट देखील ऑनलाइन करता येते, त्यामुळे वेळ आणि मेहनत दोन्ही वाचतात.
3) एसएमएसद्वारे गॅस बुकिंग
जर इंटरनेट उपलब्ध नसेल किंवा व्हॉट्सअॅप वापरणे शक्य नसेल, तर एसएमएसच्या माध्यमातूनही गॅस सिलिंडर बुक करता येतो.
Indane Gas ग्राहकांनी त्यांच्या नोंदणीकृत मोबाईल नंबरवरून 7718955555 या क्रमांकावर ‘REFILL’ असा मेसेज पाठवावा.
Bharat Gas ग्राहकांनी 7715012345 किंवा 7718012345 या नंबरवर ‘LPG’ असा एसएमएस पाठवला तरी बुकिंग प्रक्रिया सुरू होते.
एसएमएस पाठवल्यानंतर काही वेळातच ग्राहकांना बुकिंग कन्फर्मेशनचा मेसेज मिळतो.
नागरिकांसाठी महत्त्वाची सूचना
गॅस बुकिंग करताना नेहमी रजिस्टर मोबाईल नंबरचाच वापर करणे आवश्यक आहे. तसेच बुकिंग केल्यानंतर मिळणारा कन्फर्मेशन मेसेज जतन करून ठेवणेही महत्त्वाचे आहे.
सध्या काही ठिकाणी गॅस वितरणाबाबत तात्पुरत्या अडचणी निर्माण होत असल्या तरी योग्य पद्धतीने बुकिंग केल्यास ग्राहकांना वेळेत सिलिंडर मिळू शकतो.
म्हणूनच फोन कॉल लागत नसेल तर या तीन सोप्या पद्धतींचा वापर करून तुम्ही घरबसल्या काही मिनिटांत गॅस सिलिंडर बुक करू शकता.